Leiðin til velgengni

Fjármálastaða fer eftir fjármálaþroska einstaklings. Leiðin til velgengni skiptir þessari þroskagöngu upp í sjö þroskastig. Á hverju þroskastigi er ríkjandi hugsun og hegðun er í takt við þá hugsun. Fjármálataða sem myndast er í takt við hegðunina. Hugsun-hegðun-fjármálastaða. Það er auðvelt að sjá hvar einstaklingur er staddur í þroska með því að skoða stöðu viðkomandi.

Það er hægt að festast árum saman á hverju þroska stigi. Markmiðið með þessum skrifum er að gefa skilning og verkfæri til að hraða þessari göngu og gera hana skilvirkari.

Hér á eftir fer lýsing á þessari þroskagöngu. Á hverju þrepi eru tveir pólar. Mínuspóll og plúspóll. Í mínuspól er ríkjandi  hugsun sem heldur viðkomandi föstum á þrepinu. Plúspólinn lýsir hvaða hugsun þarf að tileinka sér til að losna af þrepinu og upp á það næsta. Þegar það gerist hættir fjármálavandi að myndast sem afleiðing af hugsun mínuspóls. Fyrsta   Þrep í þroskagöngunni heitir Ánauð. Það næsta Óreiða og síðan Skuldir,  Jafnvægi, Áhætta, Ástríða og Velgengni.